ԿԲ․ կրթական բացը կարող է արժենալ ՀՆԱ-ի հնգապատիկը

Կենտրոնական բանկը հետազոտական ամփոփագիր է հրապարակել, որտեղ ներկայացված են Տնտեսական համագործակցության և զարգացման կազմակերպության (ՏՀԶԿ) PISA գնահատման Հայաստանի արդյունքները։ Դրանք փաստում են, որ մեր երկրի 15-ամյա աշակերտների ցուցանիշները հիմնական բոլոր ուղղություններով էականորեն ցածր են ՏՀԶԿ միջինին։ Ավելին, Հայաստանի դիրքը հետազոտությունն անցկացրած երկրների ցանկում տատանվում է 73-ից 83-րդ հորիզոնականների սահմաններում՝ կախված չափորոշիչից։

ԿԲ-ի մեկնաբանությունն այն է, որ եթե ապագա սերունդները կրթական ավելի բարձր՝ անհրաժեշտ հմուտությունների ցանկալի մակարդակ ցույց տան, դա երկարաժամկետ հեռանկարում կունենա ՀՆԱ-ի մոտ հնգապատիկին հավասար տնտեսական օգուտ։ Այս հայտարարությունը Կենտրոնական բանկի կողմից կրթության որակը երկրի մակրոտնտեսական հեռանկարների հետ ուղղակիորեն կապող հազվադեպ հրապարակային գնահատականներից է։